 |
 |
Adolygiad Cymru Gyfan o Wasanaethau Rhagnodi Camdefnyddio SylweddauDydd Mercher, 14 Hydref 2009Mae Arolygiaeth Gofal Iechyd Cymru (AGIC) wedi cyhoeddi ei adroddiad heddiw yn dilyn adolygiad Cymru gyfan o wasanaethau rhagnodi camddefnyddio sylweddau a gynhaliwyd yn 2008.
Comisiynwyd Arolygiaeth Gofal Iechyd Cymru (AGIC) gan Weinidog Llywodraeth Cynulliad Cymru dros Gyfiawnder Cymdeithasol a Llywodraeth Leol i ddatblygu a chynnal rhaglen o adolygiadau thematig ar wasanaethau trin camddefnyddio sylweddau. Diben hyn yw asesu’r cynnydd a wnaed wrth gyflawni’r agenda genedlaethol drwy archwilio digonolrwydd ac ansawdd y gwasanaethau a ddarperir ledled Cymru, nodi arfer da a gwneud argymhellion ar gyfer gwella yn y dyfodol. Mae’r adolygiad cyntaf hwn wedi canolbwyntio ar gomisiynu a darparu cyffuriau cyfnewid megis methadon, a ddefnyddir i helpu i reoli a lleihau’r defnydd o gyffuriau opiad anghyfreithlon megis heroin. Mae’r adolygiad hefyd wedi cyflwyno trosolwg o wasanaethau camddefnyddio sylweddau ledled Cymru, a gwybodaeth sylfaenol am y ddarpariaeth a ddefnyddir i gyfrannu at adolygiadau yn y dyfodol. Er ein bod yn cydnabod y cyflawnwyd datblygiadau sylweddol o ran y driniaeth a’r gefnogaeth sydd ar gael a nifer y bobl sy’n cael mynediad at wasanaethau, canfuom fod y gwasanaethau sydd ar gael yn lleol yn parhau i amrywio. Er bod amseroedd aros am driniaeth yn lleihau yn gyffredinol ledled Cymru, canfuwyd bod amseroedd aros yn rhwystr sylweddol rhag cael mynediad at wasanaethau mewn rhai ardaloedd. Yn gyffredinol, mae’r gwasanaethau eu hunain o safon uchel, er bod hyn yn amrywio hefyd. Fodd bynnag, canfuwyd bod rhai safleoedd gwasanaethau yn annigonol. Canfuwyd hefyd bod mynediad at wasanaethau eraill, megis cymorth iechyd meddwl ar gyfer camddefnyddwyr sylweddau, yn annigonol mewn llawer o ardaloedd. Canfuom hefyd amrywiadau o ran pa mor dda yr oedd gwasanaethau yn cael eu cynllunio a’u comisiynu, gyda rhai ardaloedd ymhell ar y blaen o’u cymharu ag eraill o ran datblygu systemau triniaeth i fodloni anghenion lleol. Mewn rhai ardaloedd canfuom nad oedd systemau triniaeth wedi eu cynllunio’n effeithiol, nid oedd gweithgarwch yn cael ei fonitro a phrin oedd yr oruchwyliaeth strategol. Mae’r adroddiad yn cynnwys tri deg pedwar argymhelliad sydd â’r nod o wella ansawdd y driniaeth a ddarperir yn ogystal â’r systemau sydd wedi’u sefydlu i gynllunio a chomisiynu systemau triniaeth. Mae’r rhain yn pwysleisio’r angen i:
Croesawodd y Gweinidog dros Iechyd a Gwasanaethau Cymdeithasol a’r Gweinidog dros Gyfiawnder Cymdeithasol a Llywodraeth Leol, Dr Brian Gibbons, y cyfraniad y bydd yr adroddiad yn ei wneud i wella gwasanaethau ledled Cymru. Meddai Dr Gibbons, “Ers 2003, mae Llywodraeth y Cynulliad wedi cynyddu’n sylweddol faint o adnoddau sydd ar gael ar gyfer gwasanaethau camddefnyddio sylweddau. Bu twf enfawr mewn gwasanaethau ac mae ein partneriaid ledled Cymru wedi gweithio’n galed i ymateb er mwyn gwella ansawdd gwasanaethau. “Yr adroddiad hwn yw’r dadansoddiad llawn cyntaf o wasanaethau camddefnyddio sylweddau yng Nghymru. Mae’n darparu llwyfan i ni er mwyn ychwanegu at y cynnydd sylweddol a wnaed yn ystod y blynyddoedd diweddar. “Mae ein strategaeth deng mlynedd newydd i fynd i’r afael â chamddefnyddio sylweddau yn amlinellu’r meysydd yr ydym yn dymuno rhoi sylw penodol iddynt, a bydd yr adroddiad hwn yn ein helpu ni a’n partneriaid i ganolbwyntio ein hegni a’n hadnoddau’n effeithiol er mwyn sicrhau hyd yn oed mwy o welliannau.” Ffynhonnell: Arolygiaeth Gofal Iechyd Cymru (safle we yn Saesneg) |
|